Literatuur

dinsdag26.06
Nederland, Amsterdam - Zuid-Afrikahuis - Literatuur
Leeskring: Die wêreld van Charlie Oeng
Dinsdag 26 Juni 2018 19:30

Ingrid Glorie bespreekt Die wêreld van Charlie Oeng (2017) van Etienne van Heerden.

Tian Kilian se ouers is voor sy oë vermoor, die aand van die vuurwerke. Nou reis hy, Amsterdam toe, Ooste toe, oral op die spoor van Charlie Oeng, oftewel Gelatenheid, oftewel Chinees, om daardie tyd se pyn eindelik te kan verstaan. Feit en verdigsel is sjarmant verweef in hierdie ambisieuse, verbluffende roman, in die tradisie van breedopgesette vertellings met verskillende verhaallyne en uitgebreide agtergrondbeskrywing.

Meer info

dinsdag25.09
Nederland, Amsterdam - Zuid-Afrikahuis - Literatuur
Leeskring: Op 'n dag, 'n hond
Dinsdag 25 September 2018 19:30

Rob van der Veer bespreekt Op'n dag, 'n hond van John Miles.

’n Nuwe roman deur die bekroonde skrywer John Miles. Dieselfde temas geld as in sy vroeëre werk: ’n besinning oor die vervlietendheid van die menslike bestaan & die onontkombaarheid van die dood, deurgaans gekenmerk deur ’n amper moedswillige humor. Die verhaal begin in ’n tuinwoonstelletjie waar ’n oud-onderwyser een aand sit en musiek luister, min wetende dat daar ’n lewensveranderende insident met ’n hond op hom wag. ’n Meesleurende roman, met ’n merkwaardige insig in die mens se lot.

Meer info

dinsdag30.10
Nederland, Amsterdam - Zuid-Afrikahuis - Literatuur
Leeskring: Die taal van been
Dinsdag 30 Oktober 2018 19:30

Arjan Krijgsman bespreekt Die taal van been van Heilna du Plooy.

Die taal van been is 'n roman oor gewone mense se strewe en verlies en die onthutsende werklikheid wat onder die oppervlak skuil. Dis tegelyk 'n speurverhaal met 'n politieke ondertoon, die storie van 'n kunsdosent wat haar werk deur regstellende aksie verloor en 'n eiesoortige liefdesverhaal . Uiteindelik gaan dit egter om veel meer.

Meer info

dinsdag27.11
Nederland, Amsterdam - Zuid-Afrikahuis - Literatuur
Leeskring: Karolina Ferreira
Dinsdag 27 November 2018 19:30

Tineke Dorr en Rob van der Veer bespreken Karolina Ferreira (2013) van Lettie Viljoen.

Karolina Ferreira gaan na die Vrystaatste dorp Voorspoed om in die omgewing navorsing oor motte te doen. Op pad laai sy ’n onbekende man op en laat haar handpalm lees deur ’n vrou in ’n karavaan. Aanvanklik bly sy in die dorp se hotel. Hier speel sy saans snoeker, dans oor die naweek met en ontmoet ’n verskeidenheid mense. Onder andere Pol, die enigmatiese prokureur, die geteisterde boer Tonnie de Melck, die driftige luitenant Kieliemann, en ander lede van die plaaslike polisie. Sy word gekonfronteer met geweldpleging in die swart woonbuurt. Die rassegeweld is egter nie die enigste geweld in die boek nie. Ondanks haar voornemens word Karolina – soos die minnaars wat sy die eerste keer op ’n bankie in die begraafplaas sien en oor wie sy wonder – ook meegevoer deur die liefde. Geweld en liefde, die openbare en die intens private, word in hierdie roman op ’n indrukwekkende wyse ineengevleg.

Meer info